2027 жылы Астанада өтетін дзюдодан әлем чемпионатының туы Қазақстанға берілді. Салтанатты рәсім Бакуде өтіп жатқан әлем чемпионаты аясында ұйымдастырылды.
Әзербайжан дзюдо федерациясының вице-президенті Эльнур Мамедли туды Халықаралық дзюдо федерациясына қайтарды. Кейін IJF Бас хатшысы Лиза Аллан оны Қазақстан дзюдо федерациясының президенті Қуанышбек Есекеевке табыстады.
Келесі әлем чемпионаты 2027 жылғы 7–14 маусым аралығында Астана қаласында өтеді.
