Еңбек күні қарсаңында ҚР Еңбек және халықты әлеуметтік қорғау министрлігі eGov платформасында сауалнама жүргізді. Оған 1 305 адам қатысты.
Сауалнама нәтижесінде респонденттердің 76,2%-ы еңбек адамына құрмет көрсетуді маңызды қоғамдық құндылық деп атаған.
Елдің алдағы дамуы үшін ең қажет мамандықтар қатарында:
🔹 құрылысшылар – 20,3%;
🔹 ауыл шаруашылығы қызметкерлері – 16,7%;
🔹 өнеркәсіп мамандары – 14,8%;
🔹 электр мамандары – 14,4%.
Қатысушылар дәнекерлеуші, коммуналдық қызмет маманы, механик, жүргізуші, аспаз, слесарь және машинистердің еңбегін де жоғары бағалаған.
Сонымен қатар респонденттердің 41,2%-ы жұмысшы мамандықтардың беделін арттыру бойынша қосымша шаралар қажет деп санайды.
