Ахмет Байтұрсынұлы – қазақ халқының руханиятына өлшеусіз үлес қосқан ұлт ұстазы, ағартушы, ғалым, ақын, публицист әрі қоғам қайраткері.
Ол қазақ тіл білімінің негізін қалап, ана тілімізге бейімделген араб жазуы негізіндегі «төте жазу» әліпбиін жасады.
Ахмет Байтұрсынұлы «Қазақ» газетінің редакторы ретінде ұлттық баспасөздің қалыптасуына жол ашты. «Әліппе», «Тіл-құрал», «Қырық мысал», «Маса» сынды еңбектері арқылы елді білім мен ғылымға үндеді.
Алаш қозғалысының көрнекті қайраткері ретінде ұлт азаттығы мен ел болашағы жолында аянбай қызмет етті.
