Қазақстандықтар қолма-қол ақшасыз төлемге көшіп жатыр

Қазақстанда банк карталары арқылы жасалған қолма-қол ақшасыз операциялар көлемі 2025 жылы 186,3 трлн теңгеге жетті. Ал 2019 жылы бұл көрсеткіш 13,3 трлн теңге болған. Осылайша, жеті жылда төлем көлемі шамамен 14 есе артты.

Соңғы жылдары мобильді банкинг, QR-код арқылы төлем жасау және интернет-дүкендерде онлайн есеп айырысу кең таралды. Смартфон арқылы төлем жасау мен ақша аудару қаржылық қызметтердің қолжетімділігін арттырды.